LANDAU şagirdləri

LANDAU School-da həyat dinamik, ilhamverici və inkişaf imkanları ilə doludur. LANDAU şagirdi olmaq – maraqlı dərslərdə və praktiki layihələrdə iştirak etməklə yanaşı, şagirdlərin və məktəbin təşəbbüsü ilə həyata keçirilən dərsdənkənar fəaliyyətlərdə fəal şəkildə yer almaq deməkdir. Bu, hər kəsin öz potensialını tam şəkildə reallaşdıra bildiyi dinamik, dəstəkləyici və gələcəyə yönəlmiş bir icma formalaşdırır.

Şagird Şurasını məsuliyyət və vizyonla idarə edənlər

Tədbirlər

Xeyriyyə

LANDAU-da xeyriyyə tədbirlərinin təşkili prosesinə rəhbərliyi şagirdlər birbaşa öz üzərlərinə götürürlər — bu da onlarda həm mərhəmət hissini, həm komandada işləmə bacarığını, həm də sosial məsuliyyəti inkişaf etdirir.

Əyləncə

LANDAU-da şagird həyatı enerjili və bayram ab-havası ilə doludur! Tematik tədbirlərdən istedad şoularına, mədəniyyət günlərindən əyləncəli tədbirlərə qədər hər bir təşkil olunan fəaliyyət həm unudulmaz xatirələr yaradır, həm də məktəb ruhunu gücləndirir.

MUN

LANDAU-nun MUN proqramı şagirdlərə qlobal məsələlərə debat, diplomatiya və nitq vasitəsilə fəal yanaşmaq imkanı yaradır. Tələbə nümayəndələr müxtəlif ölkələri təmsil edir, birgə həll yolları axtarır və beynəlxalq mühitdə liderlik bacarıqlarını inkişaf etdirirlər.

Hər gün məktəb kimliyini üzərində inamla daşıyanlar

Hər çətinlikdən nəticə çıxararaq, öyrənərək və inkişaf edərək keçənlər

Şagirdlərdən gələn rəylər

Burada keçən beş illik təhsil yolunu yalnız akademik nailiyyətlərlə deyil, həm də liderlik və ictimai fəallıqla zənginləşdirən Fərid ardıcıl iki il Şagird Şurasının prezidenti və vitse-prezidenti olub.

Fərid Abdullayev

LANDAU School-un 2025-ci il məzunu

Bu gün sizinlə LANDAU School-u təkcə mənim üçün deyil, digərləri üçün də xüsusi edən məqamları bölüşmək istəyirəm. Onu fərqləndirən isə müəllimlərdir. Onlar daim bizim daha yaxşı öyrənməyimiz üçün çalışırlar və nə vaxt köməyə ehtiyacımız olsa — istər gündüz, istərsə də gecə hər zaman yanımızda olurlar. Mənim dərs aldığım hər bir müəllim səmimi və rahat bir sinif mühiti yaratmaq üçün əlindən gələni edib və onların öz fənlərinə olan sevgisi dərhal hiss olunur.

Məryəm Quliyeva

LANDAU School şagirdi

Gələcək üçün cəsarət və dəqiqliklə xəyal quranlar

Şagird olaraq xəyallarımız

İskəndər Həmidov

LANDAU School şagirdi

“Həmişə düşünmüşəm ki, niyə hələ də daha çox insanı xilas edə bilmirik. Elə buna görə də tibb təhsili almaq istəyirəm. Riyaziyyat və fizikanı sevsəm də, mənim üçün ən vacibi insanların həyatında fərq yaratmaqdır.”

Leyla Ağayeva

University of California, Berkeley

“Mən yaxın zamanda UC Berkeley universitetinə qəbul olunmuşam. Burada neyroelm ixtisası üzrə təhsil almağı planlaşdırıram və məqsədim bu bilikləri biotexnologiya sahəsində tətbiq etməkdir. İkinci kursda Robinson Life Science, Business, and Entrepreneurship proqramına qoşularaq həm neyroelm, həm də biznes üzrə ikili diplom almağı ümid edirəm.”

Aylin Pirverdiyeva

Wollongong University Dubai

“Bakalavr təhsilimi Dubayda Maliyyə ixtisası üzrə almağı planlaşdırıram və məzuniyyətdən sonra orada işləmək istəyirəm. Daha sonra isə təhsilimi davam etdirərək magistraturanı Avropanın hər hansı bir ölkəsində oxumaq niyyətindəyəm.”

Orxan Mərdanlı

LANDAU School şagirdi

"Düz bir il əvvəl mənə “Həyatdakı məqsədlərin nədir?” sualını versəydilər, yəqin ki, cavab verə bilməzdim. Amma LANDAU və onun möhtəşəm müəllimləri mənə kim olmaq istədiyimi tapmaqda kömək etdilər və düzgün məqsədlər müəyyənləşdirməyim üçün məni ruhlandırdılar. Onlar daim yanımda oldular, məni, həqiqətən də, anladılar".

Kim dərsdənkənar da öyrənməyə davam edir?

Şagirdlər idman, robototexnika, incəsənət, xarici dillər və müxtəlif yaradıcı klublar da daxil olmaqla geniş dərsdənkənar fəaliyyətlərdə iştirak edirlər. Bütün bu proqramlar LANDAU-nun dərsdənkənar fəaliyyətlər üçün nəzərdə tutulmuş xüsusi platforması — Tredu üzərindən idarə olunur.