Beynəlxalq məktəb

Son dövrlərdə təhsil yalnız nəzəri biliklərin mənimsənilməsi ilə məhdudlaşmır. Tənqidi düşüncə, yaradıcılıq, ünsiyyət, araşdırma və problem həll etmə kimi həyati bacarıqlar da şagirdlərin həm akademik, həm də gələcək həyatında mühüm rol oynayır.

Bu səbəbdən Bakıda beynəlxalq məktəb axtaran bir çox valideyn beynəlxalq səviyyədə tanınan tədris proqramları və ingilisdilli mühit təqdim edən təhsil müəssisələrinə üstünlük verir. Beynəlxalq məktəblər şagirdləri dünya səviyyəli imtahanlara hazırlayır və onların müxtəlif ölkələrin nüfuzlu universitetlərinə qəbul imkanlarını genişləndirir. Bu məktəblər çoxdilli təhsil mühiti, qlobal düşüncə tərzinin formalaşdırılması və beynəlxalq səviyyədə tanınan kurikulumları ilə seçilir.

1. Beynəlxalq tədris proqramı

Güclü beynəlxalq tədris proqramı şagirdlərə qlobal standartlara uyğun bilik və bacarıqlar qazandırır. “Cambridge International Education” kimi beynəlxalq səviyyədə tanınan proqramlar şagirdlərə təhsilin müxtəlif mərhələlərində qlobal standartlara uyğun bilik və bacarıqlar əldə etmək imkanı verir.

2. Dil mühiti

Xarici dil bilikləri ali təhsil və gələcək karyera imkanları baxımından getdikcə daha çox əhəmiyyət qazanır. İngilisdilli təhsil mühiti təqdim edən məktəblər şagirdlərin dili gündəlik ünsiyyət və dərs prosesində daha təbii şəkildə mənimsəməsinə şərait yaradır.

3. Akademik nailiyyətlər və təhsil yanaşması

Məktəb seçərkən imtahan nəticələri, məzunların universitetə qəbul göstəriciləri və məktəbin ümumi təhsil yanaşması nəzərə alınmalıdır. Keyfiyyətli məktəb yalnız akademik uğura deyil, eyni zamanda şagirdin hərtərəfli inkişafına da önəm verir.

4. Müasir tədris metodları

Müasir tədris yanaşmaları texnologiyanın təhsilə inteqrasiyası ilə yanaşı, şagirdlərin araşdırma aparmasına, komanda ilə işləməsinə, layihələr hazırlamasına, təqdimatlar etməsinə və əldə etdikləri bilikləri praktik şəkildə tətbiq etməsinə şərait yaradır.

5. Şagirdin hərtərəfli inkişafı

Keyfiyyətli təhsil mühiti şagirdlərə akademik biliklər qazandırmaqla yanaşı, onların sosial, emosional və yaradıcı inkişafını, eləcə də liderlik bacarıqlarının inkişafını dəstəkləyir.

Valideynlər məktəb seçərkən yalnız məktəbin yerləşdiyi məkan və ya tədris binasını nəzərə almırlar. Onlar aşağıdakı imkanları təqdim edən təhsil müəssisələrinə üstünlük verirlər:

• Beynəlxalq səviyyədə tanınan tədris proqramları;
• Güclü akademik baza;
• İngilisdilli təhsil mühiti;
• Peşəkar müəllim heyəti;
• Müasir tədris və öyrənmə mühiti;
• Universitet hazırlığı üçün geniş imkanlar;
• Şagirdin hərtərəfli inkişafını dəstəkləyən yanaşma.

Beynəlxalq məktəblərdə şagirdlərin qlobal standartlara uyğun təhsil almasını təmin edən müxtəlif kurikulumlar tətbiq olunur.

Ən çox istifadə olunanlar aşağıdakılardır:

• Kembric kurikulumu (Cambridge International Education) – dünyanın bir çox ölkəsində tətbiq olunan və ən geniş yayılmış beynəlxalq təhsil proqramlarından biridir.
• IB (International Baccalaureate) – tənqidi düşüncə, araşdırma və qlobal baxış bucağının inkişafına yönələn beynəlxalq təhsil proqramıdır.
• Amerika kurikulumu (American Curriculum) – ABŞ təhsil sisteminə əsaslanan və şagirdləri Amerika universitetlərinə hazırlayan proqramdır.
• Britaniya kurikulumu (British Curriculum) – Böyük Britaniyanın təhsil standartlarına əsaslanan proqramlardan biridir.

Azərbaycanda qlobal təhsil imkanları təqdim edən beynəlxalq məktəblərdən biri olan LANDAU School dünya səviyyəli təhsil standartlarına uyğun tədris mühiti və innovativ yanaşmaları ilə seçilir.

Məktəbdə tədris prosesi Kembric proqramı əsasında qurulub və şagirdlər IGCSE, A-Level, SAT/ACT və NCUK kimi beynəlxalq proqramlar vasitəsilə xarici universitetlərdə təhsil almaq üçün hazırlıq keçirlər.

LANDAU School beynəlxalq proqramlarla yanaşı, təhsil mühitini daim yeniləyərək müasir texnologiyaları da tədris prosesinə inteqrasiya edir. Bütün korpuslarda yaradılan STEAM otaqları 3D printerlər, LEGO Education dəstləri, mühəndislik və robototexnika avadanlıqları ilə təchiz olunur. Bu mühit şagirdlərə nəzəri biliklərini praktik layihələr üzərində tətbiq etmək, yaradıcılıq və mühəndislik bacarıqlarını inkişaf etdirmək imkanı yaradır.

Eyni zamanda, Süni İntellekt dərslərinin İKT kurikulumuna inteqrasiyası şagirdlərin texnologiyanın iş prinsipini daha dərindən anlamasına və rəqəmsal savadlılıq bacarıqlarının inkişafına dəstək olur. Beləliklə, şagirdlər erkən yaşlardan gələcəyin texnologiyaları ilə tanış olur və XXI əsrin tələblərinə uyğun bacarıqlar formalaşdırırlar.

LANDAU məzunlarının əldə etdiyi uğurlar məktəbin beynəlxalq təhsil yanaşmasının nəticələrini əks etdirir. Bugün onlar ABŞ, Böyük Britaniya, Almaniya və digər ölkələrin nüfuzlu ali təhsil müəssisələrində təhsillərini davam etdirirlər.

160-dan çox ölkədə tətbiq olunan “Cambridge International Education” şagirdlərin mövzuları daha dərindən anlamasına, müstəqil öyrənməsinə və akademik inkişafına yönəlir. Bu proqram şagirdlərdə araşdırma aparmaq, sual vermək, məlumatları analiz etmək və əldə etdikləri bilikləri real həyatla əlaqələndirmək bacarıqlarını inkişaf etdirir.

LANDAU School-da Kembric kurikulumu tədris prosesinin əsas hissəsini təşkil edir. Şagirdlər Checkpoint, IGCSE, A-Level və s. kimi beynəlxalq imtahanlara hazırlaşaraq gələcək təhsil mərhələləri üçün möhkəm akademik baza formalaşdırırlar.

Müasir təhsilin əsas məqsədi şagirdləri yalnız imtahan uğurlarına yönəltmək deyil, eyni zamanda onları gələcəkdə qarşılaşacaqları imkan və çağırışlara hazırlamaqdır.

Beynəlxalq təhsil mühiti şagirdlərin özünəinamlı, müstəqil düşünən və fərqli mədəniyyətləri anlayan fərdlər kimi formalaşmasına dəstək olur. Layihə əsaslı tədris, komanda işləri, təqdimatlar və araşdırma fəaliyyətləri vasitəsilə onlar gələcək həyatlarında da faydalı olacaq bacarıqlar əldə edirlər.

Məhz buna görə də Azərbaycanda özəl və beynəlxalq məktəb axtaran bir çox ailə beynəlxalq standartlara əsaslanan təhsil proqramları təqdim edən məktəblərə daha çox üstünlük verir.

Kembric kurikulumuna əsaslanan tədris yanaşması, ingilisdilli təhsil mühiti və beynəlxalq akademik imkanları ilə LANDAU School öz şagirdlərini qlobal dünyada uğur qazanmağa hazırlayan müasir təhsil müəssisələrindən biri kimi seçilir.